Mae Myfanwy a Helen Mary’n croesawu’r newid llwyr ynglŷn â chefnogaeth i’r hŷn a’r anabl yn dilyn pwysau gan Y Blaid

Mae Dr. Myfanwy Davies, darpar ymgeisydd Y Blaid yn Llanelli, a Helen Mary Jones, AC lleol Y Blaid, wedi croesawu’r newid llwyr gan y Blaid Lafur ynglŷn â’r gefnogaeth i bobl hŷn anabl. Cyn hyn bu’r Lwfans Gweini a’r Lwfans Byw i’r Anabl dan fygythiad er mwyn talu am gynlluniau Llywodraeth yn Lloegr.

Mae’r Llywodraeth wedi addo nawr na fwriedir eu newid mwyach yn y Senedd nesaf.

‘Roedd Myfanwy a Helen Mary wedi cefnogi ymgyrchwyr anabledd a phensiynau lleol wrth frwydro yn erbyn y bygythiad ac wedi gweithio’n glos gyda’u cyd weithwyr yn Y Blaid yn San Steffan i wrthwynebu’r newidiadau hyn a fyddai wedi golygu bod miloedd o bobl hŷn a bregus yn Llanelli ar gyfartaledd rhwng £65 a £75 yr wythnos yn waeth eu byd.

Dywedodd Dr. Davies:


“Nid cyn pryd mae’r newid llwyr hwn yn digwydd - er y byddai rhai’n dueddol o gwestiynu ei amseriad yn union cyn etholiad cyffredinol”.

Ar draws Llanelli mae 4,000 o bobl yn dibynnu ar Lwfans Gweini tra bo 8,000 yn dibynnu ar Lwfans Byw i’r Anabl.


“Mae’r bobl hyn i gyd naill ai’n anabl neu dros 65 mlwydd oed, y grwpiau lleiaf abl i fyw ar eu pennau eu hunain a gofalu amdanynt eu hunain.

Mae’r cynigion a wnaeth Llafur yr haf diwethaf yn rhoi pwysau anferth ar ein pobl fwyaf bregus. Mae’n gwbl anghywir bod cymaint ohonynt a’u teuluoedd wedi gorfod byw gyda’r ansicrwydd ynglyn â sut y medrent fyw’n annibynnol pe bai’r gynhaliaeth hon yn cael ei dwyn oddi arnynt”.

“’Roedd yn annerbyniol bod y Llywodraeth wedi awgrymu’r toriadau creulon hyn yn y lle cyntaf”.

“Dydyn nhw ddim yn gwneud ffafr â’n pobl fwyaf bregus trwy symud y bygythiad a ddaeth oddi wrthynt hwy eu hunain”.

Ychwanegodd Helen Mary:

“’Rydym wedi ymladd y newidiadau hyn byth oddi ar iddynt gael eu hawgrymu gyntaf a buom yn cefnogi grwpiau iawnderau’r anabl a phensiynwyr yn lleol trwy roi pwysau ar y Llywodraeth i newid eu meddwl”.

“Mae’n amlwg bod y pwysau cyfunol wedi helpu’r Llywodraeth tuag at y trawsnewidiad munud olaf hwn”.

“Ni ddylai fod angen i ni amddiffyn cynhaliaeth y mwyaf bregus ond, tro ar ôl tro, bu rhaid i ni wneud hynny. Mae angen i benderfyniadau ynglyn â chynhaliaeth i’n pobl fwyaf bregus gael eu gwneud gan y Cynulliad yng Nghaerdydd fel y gallwn osgoi’r trallod i gynifer o bobl hŷn ac anabl a ddeuai trwy’r toriadau creulon hyn a fwriadwyd gan Lafur yn y lle cyntaf”.

Plaid wedi cythruddo gan gynlluniau’r Cyngor i dorri gwasanaethau pobl ifanc anabl

Mae AC lleol Llanelli Helen Mary Jones ac Ymgeisydd y Blaid am Sansteffan Myfanwy Davies wedi datgan eu hanfodlonrwydd gyda chynlluniau arfaethedig y Cyngor i wneud toriadau enfawr yng nghyllideb gwasanaethau dysgu’r anabl a gwasanaethau yn ymwneud ag ysgolion arbennig, fel ran o’u cynllun i wneud arbedion enfawr dros y tair blynedd nesaf .
Mae’r cynlluniau i dorri £460,000 y flwyddyn oddi ar wasanaethau i bobl ifanc anabl yn rhan o gyfres o gynigion gan y Cyngor Sir mewn ymateb i’r toriadau enfawr a orfodwyd gan Lywodraeth Llundain o ganlyniad i achub y banciau . Mae Helen Mary a Myfanwy yn poeni’n arw am effeithiau toriadau o’r fath ar y rhai sydd ag anableddau dysgu yn ardal Llanelli.

Dywedodd Helen Mary Jones, o’r Blaid :
"Mae’r cynlluniau yma i wneud toriadau yng nghyllideb anableddau dysgu yn hollol annerbyniol .Mae angen i’r Cyngor wneud arolwg cynhwysfawr ar wariant ac o hynny adnabod y gwasanaethau nad oes eu hangen . Mae gorddefnydd ar wasanaethau fel y mae, ac mae’n annheg taw ein pobl ifanc bregus sy’n dioddef . O ganlyniad i doriadau yng nghyllideb Cymru gan Lywodraeth Llafur Llundain mae’r gwasanaethau hanfodol i blant a’r henoed yn teimlo’r straen yn barod . Mae Myfanwy a finnau yn ymroddedig i warchod ein gwasanaethau hanfodol megis ysgolion ac ysbytai .”

Ychwanegodd Ymgeisydd Seneddol y Blaid, Myfanwy Davies:

“Mae'r rhain yn wasanaethau sy’n hollol hanfodol i’r bobl yn Llanelli. Ni ddylai pobl gydag anableddau dysgu a’u teuluoedd wneud heb y gefnogaeth a’r addysg angenrheidiol . Wrth gwrs, mae’n rhaid i’r Cyngor Sir wneud toriadau , ond ni allwn sefyll a gwylio tra eu bod yn gwneud toriadau mewn gwasanaethau i’r rhai mwyaf bregus a pharhau i wario ein harian ar bethau di- angen sy’n cynnwys noddi, marchnata a lletygarwch . Mae’r toriadau yma yn dangos yn glir Bod y Cyngor yng Nghaerfyrddin heb ystyried ein hanghenion yma yn Llanelli.”

Bydd Dafydd Iwan, Helen Mary a Myfanwy yn cau dathliadau 25 mlynedd Breakthro’ 25th gyda chyngerdd arbennig i godi arian y Sadwrn yma

Bydd Llywydd Plaid Cymru y canwr poblogaidd Dafydd Iwan yn ymuno gyda Dr Myfanwy Davies, ymgeisydd seneddol Plaid ,Llanelli a Helen Mary Jones AC ynghyd a rhieni, gwirfoddolwyr a phobl ifanc gydag anableddau i ddathlu pen-blwydd Breakthro yn 25 oed gyda chyngerdd arbennig yng Nghlwb Stebonheath y Sadwrn yma (Awst 15ed). Mae Dafydd Iwan yn ymgyrchydd dros anableddau ers nifer o flynyddoedd ac yn un o sylfaenwyr Antur Waunfawr sef menter gymunedol lwyddiannus tu allan i Gaernarfon a drefnir yn rhannol gan bobl gydag anableddau.

Dechreuodd y dathliadau ar 25ain o Orffennaf pan ymwelodd Dafydd Iwan canolfan Coleshill i dorri cacen pen-blwydd enfawr 40 modfedd. Fe wnaeth e a Myfanwy weini’r gacen i wirfoddolwyr ac aelodau Breakthro’ gyda Dafydd Iwan yn cloi’r gweithgaredd wrth ganu caneuon a greuwyd yn arbennig ar gyfer yr aelodau . Y penwythnos diwethaf aeth grŵp o wirfoddolwyr Breakthro dan arweiniad Jessica Sheehan gwblhau dringfa noddedig i gopa’r Wyddfa i ddathlu pen-blwydd y grŵp. Cyn cychwyn ar eu taith cawsant frecwast yng nghwmni Myfanwy a Hywel Williams AS, sy’n cynrychioli Arfon sef yr etholaeth sy’n cynnwys yr Wyddfa.

Mae tocynnau i’r cyngerdd nos Sadwrn yma yn gwerthu’n gyflym gyda rhai wedi’u gwerthu i bobl o Gastell-nedd .Gwnaeth un dyn deithio ar fws o Abertawe i Borth Tywyn i sicrhau ei docyn ymlaen llaw . Ni fydd .Dafydd Iwan yn codi tal am y noson a gobeithir codi dros £1,000 at weithgareddau’r fenter .

Dywedodd Dafydd Iwan :
“Rydw i’n gefnogol dros ben o waith Breakthro’.Mae’n bwysig iawn i bobl ifanc gydag anableddau i gwrdd a chymdeithasu gyda’i gilydd yn ogystal â dysgu sgiliau newydd mewn ysgolion a cholegau . Mae’r bobl ifanc yma wedi meithrin cyfeillgarwch gre ymhlith ei gilydd ac erbyn hyn yn dibynnu ar ei gilydd ac yn cefnogi ei gilydd. Mae meithrin a datblygu ymddiriedaeth debyg yn gallu cymryd blynyddoedd ond mae’n hanfodol os yw pobl gydag ystod eang o anableddau am gael bywyd llawn gymdeithasol . Roeddwn wrth fy modd pan ofynnodd Myfanwy imi fod yn rhan o’r fenter ac rydw i’n edrych ymlaen yn fawr iawn at y Sadwrn yma.

Dywedodd Myfanwy :
‘Rydym yn hynod o ddiolchgar i Dafydd am ddod lawr yma eto i gefnogi Breakthro’. Roedd y cyngerdd anffurfiol gyda’r bobl ifanc mis diwethaf yn rhyfeddod gan i rai o’r bobl ifanc sydd fel arfer yn dawel iawn ganu a dawnsio gyda’r gerddoriaeth . Mae cyngerdd y Sadwrn yma yn addo bod hyd yn oed yn well ac mae’r tocynnau yn gwerthu’n gyflym . Rydw i’n falch hefyd bod Helen Mary yn medru bod yno hefyd . Mae Helen ,fel finnau, yn falch iawn o Breakthro’ yn Llanelli nid yn unig am y gwaith mae’n wneud ond am y gefnogaeth ddiflino gan bobl a grwpiau ar draws Llanelli”.

Dywedodd Christine Darkin, trefnydd Breakthro’am dros 10 mlynedd:

‘Rhai misoedd yn ôl roeddem yn wynebu toriadau enfawr yn ein cyllid ac roeddem yn ystyried sut i barhau gyda’r clwb i’r aelodau hynny sydd erbyn hyn yn oedolion ac wedi tyfu i fyny gyda’r clwb . Nawr diolch i ‘r gwasanaethau cymdeithasol rydym yn edrych ymlaen yn hyderus at ein 26ain blwyddyn ac mae’r gefnogaeth gan bobl Llanelli yn aruthrol . Rydw i’n wirioneddol yn edrych ymlaen at gyngerdd Dafydd !”

Breakthro’ yn anelu am Gopa’r Wyddfa i ddathlu 25 mlynedd

Gwnaeth Dr Myfanwy Davies, Ymgeisydd Seneddol Plaid yn Llanelli a noddwr grŵp Breakthro’, menter i rai ag anableddau yn Llanelli, gyfarfod a gwirfoddolwyr y fenter a fydd yn dringo’r Wyddfa ar daith noddedig i ddathlu pen-blwydd Breakthro’ yn 25 blwydd oed. Ymunodd Hywel Williams AS, cynrychiolydd etholaeth Arfon gyda Dr Davies a’r gwirfoddolwyr am frecwast cyn y daith. Bu Mr Williams yn gweithio am nifer o flynyddoedd yn y sector Gofal ac fe fu yn ddiweddar yn dathlu pen-blwydd Antur Waunfawr yn 25 - hwn eto yn fenter gymunedol lwyddiannus yn ei etholaeth, tu allan i Gaernarfon, sy’n cael ei rhedeg yn rhannol gan bobol gydag anableddau dysgu.

Dywedodd Hywel Williams :
“Nid oes rhaid dweud bod ar bobl ifanc ag anableddau'r angen i ddysgu ac i feithrin hyder mewn niferoedd o sefyllfaoedd. Mae fy mhrofiad gydag Antur Waunfawr wedi dangos imi sut mae pobl, fel aelodau Breakthro’ yn cyfrannu’n bwysig i’r gweithle. Weithiau, fodd bynnag, mae’n rhwydd anghofio bod angen mwynhad ar bobl gydag anableddau. Mae Breakthro’yn cynnig i blant a phobl ifanc lle iddynt gymryd cyfrifoldeb drostynt ei hunain a’i gilydd. Rydw i’n hynod o falch fod y grŵp wedi parhau cyhyd yn enwedig gan fod y fenter dan fygythiad yn ddiweddar . Mae’r ffaith i’r fenter barhau cyhyd yn dweud llawer am y gefnogaeth dros y blynyddoedd gan bobl Llanelli. Roedd y gwirfoddolwyr a ddaeth i ddringo’r Wyddfa yn gredyd i’r dre .!”

Dywedodd Myfanwy :
“Mae‘r gwaith a wneir gan Breakthro’ ambell waith yn cael ei anwybyddu gan nad yw’n canolbwyntio ar ddysgu sgiliau neu baratoi pobl at waith . Prif fwriad y grŵp yw sicrhau fod pobl ifanc gydag ystod o anableddau yn cael yr un cyfleoedd cymdeithasol ag eraill o’r un oed a hwy . Rydw i wedi gweld nifer o’r bobl ifanc yn cefnogi ac yn helpu ei gilydd wythnos ar ôl wythnos. Dydd Sadwrn roedd gan y gwirfoddolwyr a ddringodd yr Wyddfa rhan helaethaf o’n gwlad wrth eu traed . Gobeithio y bydd y cof yn aros gyda hwy gan fod cymaint i’w wneud wrth gyd - weithio . Rydw i yn awr yn edrych ymlaen at gyngerdd Dafydd Iwan Sadwrn nesaf - sef uchafbwynt dathliadau pen-blwydd Breakthro’”

Dywedodd Jessica Sheehan trefnydd Breakthro’ :
“Roeddem am ddathlu mewn steil !Mae Breakthro’ yn sicrhau fod ein holl aelodau yn medru gwneud popeth y maent am wneud . Pa ford well o ddathlu gwaith Breakthro’ na cherdded i gopa’r Wyddfa ? Roedd 8 ohonom ni wirfoddolwyr yn cerdded ac fe wnaethom gyrraedd y copa mewn dros 4 awr . Roedd tipyn o gystadlu rhwng y bechgyn a’r merched ac roedd hyn yn gwneud i ni fynd yn gyflymach !!’.” .

Dafydd Iwan a Myfanwy yn dathlu pen-blwydd Breaktho yn 25ain gyda phobl ifainc a gofalwyr

Bydd y canwr poblogaidd a llywydd Plaid Cymru, Dafydd Iwan yn ymuno â Dr Myfanwy Davies, ymgeisydd seneddol y Blaid yn Llanelli, rhieni a phobl ifainc gydag anhawsterau dysgu i ddathlu pen-blwydd Breakthro’ yn 25ain yng nghanolfan Coleshill Dydd Sadwrn(25/07). Mae Dafydd Iwan wedi bod yn ymgyrchu dros hawliau pobl anabl ers blynyddoedd lawer ac mae’n un o sylfaenwyr Antur Waunfawr, mentrer cymunedol lwyddiannus sydd yn cael ei rheoli gan bobl ag anawsterau dysgu ac sy’n cyflogi pobl ag anhawsterau dysgu ar y cyd gyda phobl heb anhawsterau dysgu.

Dydd Sadwrn am 10.30 bydd plant a phobl ifainc ynghyd â rhieni a gofalwyr yn cwrdd â Dafydd Iwan a Myfanwy Davies, sydd yn un o noddwyr Breaktho’ er mwyn rhannu cacen pen-blwydd anferth (40 modfedd sgwâr). Bydd Dafydd Iwan hefyd yn perfformio mewn cyngerdd i godi arian ar gyfer Breakthro’ ar Awst 15fed yng nghlwb Stebonheath yn Llanelli.

Dywedodd Dafydd Iwan:
“Mae Breakthro’ yn gwneud gwaith pwysig iawn ac rwy’n arbennig o falch i weld rhai o’r bobl ifainc yn dechrau rhedeg y grŵp. Rwy’n gwybod o’m profiad gydag Antur Waunfawr faint o wahaniaeth mae gallu gwneud penderfyniadau ei hunain yn ei wneud i falchder pobl ifainc. Y mae’n gamp i bawb sydd yn ymwneud â Breakthro’ eu bod wedi cadw’r grŵp i fynd am gyhyd. Mae’r llwyddiant yma hefyd yn dangos y gefnogaeth anhygoel a gafwyd i’r grŵp gan bobl Llanelli. Da iawn nhw!”

Dywedodd Myfanwy:
“Mae Dafydd a finnau yn falch dros ben i fod yn rhan o’r dathliadau pen-blwydd a fydd hefyd yn cynnwys cyngerdd Dafydd ar Awst 15fed. Mae’r gwahaniaeth mae Breakthro’ yn ei wneud i fywydau’r plant a phobl ifanc yn anfesuradwy am fod y grŵp yn rhoi lle iddyn nhw lle does neb byth yn eu barnu a lle y gallant gymryd cyfrifoldeb dros ei gilydd. Rwy’n dymuno pen-blwydd hapus iawn iddyn nhw a blwyddyn wych”.

Dywedodd Robin Burn, Ymddiriedolwr gyda Breakthro:
“Mae aelodau’r pwyllgor a chydlynwyr yn Grŵp yn falch ofnadwy bod Myfanwy a Dafydd yn cymryd rhan yn ein dathliadau Dydd Sadwrn. Mae’r bobl ifanc yn gyffrous iawn wrth baratoi’r parti pen-blwydd gyda’r trimmings i gyd. Diolch yn arbennig i Dafydd am ein cefnogi ni drwy berfformio yn y cyngerdd pen-blwydd ar Awst 15fed. Bydd y cyngerdd yn helpu codi arian i wella bywydau'r plant a’r oedolion sy’n defnyddio’r clwb. Diolch yn fawr, Dafydd a Myfanwy” .

Nodiadau

Sefydlwyd Breakthro’ yn Llanelli yn 1984 i ddarparu gweithgareddau cymdeithasol i blant gydag anhawsterau dysgu. Mae rhieni, gofalwyr a’r bobl ifainc yn cydweithredu i drefnu gweithgareddau fel gwyliau, ymweliadau â’r sinema, prydiau bwyd a digwyddiadau codi arian. Darperir gweithgareddau i blant a’r bobl ifainc sydd wedi tyfu i fyny gyda Breakthro’. Roedd dyfodol y grŵp mewn peryg yn dilyn toriadau cyllid ond diolch i ymrwymiad diweddar gan Gyngor Sir Gâr yn dilyn ymgyrch gan Myfanwy ac aelodau’r grŵp mae Breaktho’ wedi gallu parhau i mewn i’w ail chwarter canrif.

Myfanwy yn gweithio gyda Breakthro’ Llanelli i gael addewid ariannol gan y Cyngor Sir

Wedi i aelodau grŵp Breakthro’ Llanelli fynegi pryderon, bu Dr Myfanwy Davies, ymgeisydd Plaid Cymru ar gyfer sedd Llanelli yn San Steffan, a noddwr Breakthro’, yn cefnogi aelodau’r pwyllgor wrth iddynt gwrdd â Robin Moulster, Uwch Brif Swyddog Anableddau Dysgu ddydd Gwener. Mae’r grŵp, sy’n cefnogi gweithgareddau cymdeithasol i blant ac oedolion ag anableddau dysgu, hefyd yn eu helpu i integreiddio mewn cymdeithas. Y llynedd, gofynnodd Cyngor Sair Caerfyrddin i’r grŵp wahanu’i weithgareddau i blant ac oedolion, gan ddyblu costau staffio heb unrhyw incwm ychwanegol. Cododd Myfanwy y mater o arian i’r grŵp a gofynnodd am gyfarfod gydag uwch swyddog yn y Cyngor Sir. Yn y cyfarfod, a gynhaliwyd o’r diwedd ddydd Gwener diwethaf, bu Myfanwy ac aelodau’r pwyllgor yn disgrifio’r ystod o weithgareddau y mae Breakthro yn eu cynnal a’u gwerth i’r plant a’r oedolion. Hefyd esboniwyd y bydd cwymp o £5,000 mewn cyllid yn golygu na fyddai modd i’r grŵp barhau ar ôl eleni. Roedd Myfanwy ac aelodau’r pwyllgor wrth eu bodd wedi i Mr.Moulster addo £1,500 o gyllid ar unwaith, gan addo ceisio dod o hyd i weddill yr arian.

Yn siarad o’i swyddfa ymgyrchu yn Llanelli, meddai Myfanwy:

“Rwyf wrth fy modd bod y Cyngor wedi penderfynu cefnogi gwaith pwysig Breakthro’ yn Llanelli. Efallai nad yw gweithgareddau cymdeithasol yn ymddangos yn flaenoriaeth, ond maent yn gyfle i lawer o’r bobl ifanc hyn gael bywyd cymdeithasol. Hefyd mae gan y bobl ifanc dasgau yn Breakthro’ fel trefnu amserlenni, casglu arian a dysgu sgiliau fel Djo ac eistedd ar bwyllgorau. Mae’r sgiliau y mae’r bobl ifanc yn eu dysgu yn eu helpu i integreddio, ac mae unrhyw un sydd wedi’u gweld yn codi arian yng nghanol y dref yn gallu gweld eu bod yn hapus ac yn hyderus yng nghwmni’i gilydd.”

“Mae gwaith i’w wneud o hyd i gael gweddill yr arian. Byddwn yn parhau i godi arian ar gyfer y gweithgareddau, ond byddwn yn gweithio gyda’r Cyngor Sir ac eraill i sicrhau bod digon o arian i dalu cyflog rhan amser i’n trefnydd sy’n gweithio am ddim ar hyn o bryd.”