Helen Mary a Myfanwy wrth eu bodd fod cynlluniau i gau cartrefi preswyl wedi’u rhoi o’r neilltu

Mae Helen Mary Jones, AC Llanelli a Myfanwy Davies ymgeisydd seneddol y Blaid dros Lanelli, yn hynod o falch fod cynlluniau’r Cyngor i gau Cartrefi Gofal Caemaen a St Paul wedi eu rhoi o’r neilltu . Yr wythnos diwethaf fe wnaeth y ddwy, Helen Mary a Myfanwy addo’u cefnogaeth i’r grŵp gweithredu a fu mor weithgar yn ymladd yn erbyn y cynlluniau yma i gau’r cartrefi.

Roedd y Cyngor Sir am gau’r cartrefi yma er mwyn ariannu gwasanaethau newydd ‘gofal yn y cartref’ ond doedd dim darpariaeth am unrhyw ofal i’r preswylwyr tra bod y cynlluniau newydd yn cael eu trefnu a hefyd doedd dim manylion o’r costau na’r arbedion ar gael . Doedd dim manylion yn y cynlluniau ynglŷn â ble y byddai preswylwyr ,a oedd yn rhy wan i dderbyn gofal yn y cartref ,yn mynd; ac roedd sylwadau rhai swyddogion am leoedd gweigion mewn cartrefi preifat yn codi ofnau ymhlith y preswylwyr y byddent ,yn y pen draw, yn cael eu hanfon allan o ofal y Cyngor.

Ddoe teithiodd Myfanwy i Gaerfyrddin mewn fflyd o ddau fws o brotestwyr o gartref Caemaen i helpu i lobio cynghorwyr wrth iddynt gyrraedd am gyfarfod o Bwyllgor Archwiliad y Cyngor Sir . Yn ystod y cyfarfod fe wnaeth aelodau o’r grŵp Plaid Cymru dynnu sylw ,dro ar ôl tro ,at y gwendidau yn yr adroddiad a rhybuddio hefyd am ymgais y Cyngor i geisio preifateiddio gofal drwy dwyll. Roedd y protestwyr wrth ei bodd gan i’r grŵp Plaid fynnu pleidlais i wrthod y cynlluniau fel cyfanwaith. Bydd grŵp gorchwyl a gorffen yn ystyried y cynlluniau newydd mewn manylder.

Dywedodd Helen Mary Jones o’r Blaid:
“Rydw i wrth fy modd bod Pwyllgor Archwiliad Iechyd a Gofal Cymdeithasol y Cyngor wedi gwrthod y cynnig i gau cartrefi St Paul a Caemaen. Beth bynnag, rydw i’n pryderi y bydd trafodaethau'r grŵp gorchwyl a gorffen yn cyrraedd yr un penderfyniad ond tu cefn i ddrysau caeedig.

Fe fu ymgyrch wych yn y gymuned i gefnogi’r gofal a ddarperir yn Nghaemaen a St Paul , ac mae Myfanwy a finnau wedi bod yn hollol gefnogol o’r gwaith caled a fu . Byddaf yn parhau i gefnogi’r rheiny sy’n ymgyrchu i gadw’r ddarpariaeth yma i’r bobl sydd ei eisiau a’i angen.”

Ychwanegodd Myfanwy :
“Doedd cynlluniau’r cyngor heb eu gwir hystyried ac roedd yn hollol iawn i aelodau Plaid o’r Pwyllgor Archwiliad i wrthod y cynlluniau yn unol â hyn . Mae yn hollol anghywir i wneud arbedion ar draul ein pobl fwyaf bregus ond mae’n debyg nad oedd y Cyngor, hyd yn oed, wedi cyfrif y gost a heb ystyried chwaeth sut y byddai preswylwyr yn derbyn gofal tra bod y llety newydd yn cael ei adeiladu .
Mae symud yr henoed o’u cartrefi yn peri gofid ac o bosib bydd rhai ddim yn goroesi’r symudiad . Rydw i wrth fy modd ein bod wedi ennill y frwydr gyntaf yn y rhyfel yma. Ni aberthir ein henoed er mwyn syniadau hanner- pan y Cyngor am breifateiddio”