Plaid : Angen codi pris alcohol i achub ein tafarnau traddodiadol

Y mae Helen Mary Jones, AC Plaid Cymru Llanelli a Myfanwy Davies, ymgeisydd seneddol Plaid Cymru yn Llanelli, wedi datgan y dylai pris alcohol gael ei leihau er mwyn achub ein tafarndai lleol traddodiadol.

Mae Myfanwy a Helen Mary am weld cyflwyno prisiau llai ar alcohol i helpu tafarndai traddodiadol yn eu brwydr yn erbyn prisiau rhad yn yr archfarchnadoedd. .Yn ogystal â chynorthwyo’r tafarndai dan fygythiad maent yn credu y byddai codi pris alcohol rhad yn atal pobl ifanc rhag yfed yn wirion a hefyd yn lleihau lefelau tor- cyfraith.

Mae nifer o landlordiaid lleol wedi lleisio’u pryder gyda Helen Mary a Myfanwy, ac wedi sôn am y trafferthion maent yn eu hwynebu wrth geisio ymladd i gystadlu gyda phrisiau isel alcohol mewn archfarchnadoedd.

Croesawodd Helen Mary a Myfanwy'r argymhellion mewn adroddiad diweddar gan Bwyllgor Iechyd Tŷ’r Cyffredin i gyflwyno isafswm pris ar alcohol. Gwnaeth argymhellion eraill gynnwys gwaharddiad ar hysbysebion sy’n weledol i blant a gwaharddiad ar hysbysebu alcohol ar wefannau rhwydweithio cymdeithasol .

Bydd Helen Mary a Myfanwy yn dosbarthu holiadur yn yr wythnosau nesaf i ‘r holl dafarndai yn etholaeth Llanelli yn gofyn iddynt a hoffent weld cyflwyniad o isafswm o bris ar alcohol.

Dywedodd Helen Mary Jones:

"Mae tystiolaeth gref iawn oddi wrth y BMA, ymhlith eraill , fod cyflwyno isafswm pris ar alcohol yn gallu gwneud gwahaniaeth mawr yn y frwydr yn erbyn y diwylliant gor-yfed gwirion.

Mae’r prisiau cyfredol isel mewn archfarchnadoedd yn wael iawn i’n tafarndai cymunedol, sy’n methu a chystadlu ar brisiau. Mae landlordiaid yn darganfod fod eu cwsmeriaid wedi yfed llawer cyn ,hyd yn oed, cyrraedd y dafarn , ac o bosib byddai landlordiaid cyfrifol yn teimlo na ddylent werthu mwy o alcohol iddynt.

Fe fyddwn yn gwneud arolwg o holl dafarndai yn ardal Llanelli i ddarganfod beth yw safbwynt y landlordiaid ar gyflwyno isaf -bris ar alcohol a hefyd pa gamau eraill i gefnogi eu busnesau yr hoffent weld y Llywodraeth yng Nghaerdydd neu yn Llundain eu gwneud.

Mae gan y dafarn leol rhan bwysig i chwarae yn y gymuned ac mae llawer gormod ohonynt wedi’u colli yn y blynyddoedd diwethaf. Hoffwn weld beth yn union fedrwn wneud i gefnogi'r tafarndai cymunedol sydd yn weddill yn ardal Llanelli, ac i sicrhau bod ganddynt ddyfodol llewyrchus”.

Ychwanegodd Myfanwy :

" Rydym yn gweld lefelau pryderus o uchel o alcoholiaeth yn Llanelli wrth i bobl yfed mwy ar eu pennau ei hunain yn eu cartrefi .Mae pobl hefyd yn prynu diodydd llawer cryfach nag oeddynt yn y gorffennol. Mae mor hawdd i brynu fodca rhad iawn ,a gwirodydd eraill, yn ein harchfarchnadoedd ac mae’r pris isel yn annog pobl i yfed llawer mwy, wrth iddynt yfed yn eu cartrefi cyn mynd allan am noson yn y dre.

Mae gan dafarndai cymunedol rôl bwysig i chwarae drwy helpu pobl i yfed yn gyfrifol. Maent yn cynnig mwy nag yfed yn unig, gan eu bod yn llefydd i gyfarfod yn gymdeithasol ac yn llefydd i bobl hŷn gael cwmnïaeth a chefnogaeth cymdeithasol.

Rydym yn gwybod fod ein tafarndai cymunedol yn wynebu amser anodd iawn ac rydym am gynnig iddynt help ymarferol.”

Hapusrwydd y Blaid wrth i Swyddfa Bost yr Hendy dderbyn arian

Mae Helen Mary Jones yr AC lleol dros Lanelli a Myfanwy Davies, ymgeisydd seneddol Plaid Cymru dros Lanelli wedi croesawu'r newyddion fod Swyddfa Bost yr Hendy yn un o’r 75 cangen yng Nghymru i dderbyn rhan o’r £1.5m o arian gan gronfa arall- gyfeirio’r Swyddfa Bost .

Bydd yr ariannu yma yn gyfwerth a 57 o swyddi llawn amser mewn swyddfeydd post drwy Gymru . Dyma’r ail gyflenwad o arian sydd i helpu is- bostfeistri/bostfeistres i newid a gwella eu swyddfeydd Post . Cyhoeddwyd ym mis Gorffennaf cyfanswm o £1.1milliwn i 63 o swyddfeydd .

Mae’r gronfa o £4.5million am dair blynedd ac yn agored i bob is- swyddfa bost yng Nghymru , gyda’r bwriad o helpu gyda busnes a chymorth marchnata , hysbysebu, hyfforddiant, ac ariannu gwasanaethau newydd.

Gellid defnyddio’r arian am welliannau megis creu gwell mynedfeydd tuag at adeiladau , gwella offer cyfrifiadurol, gwella diogelwch , neu wella arwyddion tu allan i adeiladau .

Mae deuddeg o Swyddfeydd post wedi derbyn £5,000 yr un tuag at brosiectau bach megis offer awyru gwell neu sustemau diogelwch ac mae 63 Swyddfa wedi derbyn i fyny at £20,000 yr un am brosiectau mwy megis adnewyddu , gwella mynedfeydd, neu osod cyfleusterau am wasanaethau newydd. Mae 34 o’r swyddfeydd hefyd wedi derbyn £15,000 o gyllid i helpu wrth gyflogi staff newydd

Dywedodd Helen Mary Jones Plaid-

"Rydw i’n falch iawn fod Cangen yr Hendy yn elwa o’r cyllid yma gan Lywodraeth Cynulliad Cymru. Mae Swyddfa Bost yn aml yn galon i’r gymuned , ac rydw i’n gwybod fod hyn yn hollol wir yn yr Hendy . Bydd yr arian yma yn helpu ni i gadw’r canghennau ar agor ac rydw i wrth fy modd fod cymaint o Swyddfeydd post yng Nghymru yn gallu manteisio o’r gronfa yma ..”

Ychwanegodd Myfanwy :
"Mae’r buddsoddiad ychwanegol yma i Swyddfa bost yr Hendy yn hwb aruthrol i’r gymuned ac yn enwedig i’r bobl hynny nad ydynt am deithi allan o’r Hendy i siopa. Mae’r pecyn buddsoddiad yn bwysig iawn i ddiogelu Swyddfeydd post sy’n parhau yn rhan o’r gymuned a bywyd busnes ond mae’n drist fod y buddsoddiad yma yn digwydd tra bod ymgyrch i gau swyddfeydd post gan y llywodraeth Lafur yn Llundain a diddymu gwasanaethau’r swyddfeydd megis codi trwydded teithio a cherdyn y swyddfa bost .