Ieuan Wyn Jones yn cefnogi diwydiant a busnesau bach Llanelli

Heddiw (15/10/0) mi wnaeth Helen Mary Jones AC ac ymgeisydd seneddol Plaid Cymru, Dr Myfanwy Davies groesawu'r Dirprwy Prif Weinidog a Gweinidog yr economi a thrafnidiaeth i Lanelli.

Fe wnaeth arweinydd Plaid Cymru gymryd hoe o’i amserlen brysur i gwrdd â masnachwyr lleol a phobl busnes a stondinwyr ym marchnad y dref . Mi ymwelodd Mr Jones hefyd â ffatri gwneud rhannau i geir, Calsonic Kansei. Mae’r ffatri wedi derbyn cefnogaeth ariannol gan Lywodraeth y Cynulliad dan arweiniad y Blaid ac o ganlyniad i hyn fe ddiogelwyd dros 200 o swyddi a creuwyd 40 o swyddi newydd .

Bydd y £3.2 miliwn o’r buddsoddiad arbennig gan Gronfa Buddsoddiad Unigol Lywodraeth Cymru’n Un yn canolbwyntio ar gyflwyno cynhyrchion newydd o gludiant i’r genhedlaeth nesaf yn cynnwys technolegau cymysg ac EV sydd angen cydrannau ysgafnach a mwy effeithiol .

Roedd arweinydd Plaid Cymru Ieuan Wyn Jones hefyd yn awyddus iawn i ddangos ei gefnogaeth i Myfanwy Davies yn ei hymgyrch i fod y fenyw cyntaf i fod yn Aelod Seneddol yn enw Plaid Cymru .


Dywedodd arweinydd Plaid Cymru Ieuan Wyn Jones :

“Mae’n hanfodol ein bod yn cael rhywun tebyg i Myfanwy yn Sansteffan a fydd yn llais cryf dros ein cymunedau yng Nghymru .Mae cymaint o benderfyniadau pwysig sy’n effeithio ar Gymru yn cael eu penderfynu yno , a dyna paham yr wyf i yma heddiw i gefnogi Myfanwy yn ei hymgyrch i fod y fenyw gyntaf i fod yn AS i Blaid Cymru.”

”Yn ystod fy ymweliad fe ges hefyd y cyfle i wrando ar farn pobl busnes lleol ar yr hyn y maent yn credu sy’n bosib ei wneud i sicrhau dyfodol llewyrchus i economi’r ardal .”


Dywedodd Helen Mary Jones o’r Blaid:

"Roeddwn yn falch iawn o groesawu Ieuan Wyn Jones i Lanelli heddiw ac iddo ddangos ei gefnogaeth i ymgyrch Myfanwy.

Mae ei ymweliad yn dangos yn glir sut mae’r Blaid yn y llywodraeth wedi ymrwymo i wrando ar gymunedau a busnesau , ac fel Gweinidog yr Economi , roedd yn beth aruthrol o dda ei fod yn gallu cwrdd â rhai o’n masnachwyr lleol heddiw a thrafod eu pryderon . Mae Llywodraeth Cymru’n Un yn gwneud gwaith arbennig o amddiffyn ein cymunedau yn erbyn dirwasgiad , ond mae’r pwerau yn gyfyngedig. Rydym ni yma yn Llanelli angen llais cryf ac annibynnol yn Llundain, llais a fydd yn sefyll yn gryf drosom ni. Roedd yn wych o beth i gael arweinydd y Blaid yma heddiw yn dangos ei gefnogaeth i Myfanwy a’i ymddiriedaeth ynddi.”

Ychwanegodd Myfanwy :

“Mae’r buddsoddiad newydd yn Calsonic yn newyddion gwych ac rwyf wrth fy modd bod Ieuan wedi dod lawr yma i ymweld â’r gwaith. Mae pobl Llanelli yn poeni’n arw hefyd am fusnesau bychain yng nghanol y dref .Roeddwn yn falch o gael y gefnogaeth gan Gynhadledd y Blaid am gamau ymarferol i helpu ein busnesau yng nghanol y dref ,megis edrych ar y trethi busnes.Roeddwn yn gwybod bod ein pobl fusnes lleol yn awyddus iawn i gael trafodaeth agored gydag Ieuan ynglŷn â’u problemau. Roeddwn yn ddiolchgar dros ben ei fod yn gallu cynnig atebion i’w pryderon.”

Na i'r toriadau i'n hysgolion a'n hysbytai medd Myfanwy, Helen Mary ac arweinwyr cynghorwyr y Blaid

Mae Dr Myfanwy Davies, ymgeisydd San Steffan y Blaid yn Llanelli wedi datgelu fod ymchwil annibynnol Holtham yn dangos y bydd llywodraeth Llundain yn torri £227m sydd ei angen arnom yn Llanelli dros y 10 mlynedd nesaf.

Dywed Myfanwy:

"Roeddwn o hyd o'r farn fod trefn ariannu Cymru yn annheg. Ond mae ymchwil syfrdannol i ffigyrau llywodraeth Llundain ei hun yn dangos y byddwn yn colli
dros £220 miliwn dros y ddeng mlynedd nesaf - arian cwbl hanfodol i'n cymunedau yn Llanelli."

Fe gawsom lond bola o'r Blaid Lafur yn torri arian Cymru er mwyn taflu arian bonws at fancwyr Dinas Llundain. A bydd y toriadau yma yn ddwfn er fod ein llywodraeth ni yng Nghaerdydd yn gwenud eu gorau. Ni all Caerdydd fforddio defnyddio eu harian wrth gefn dro ar ol tro. Felly flwyddyn nesaf bydd y toriadau yn waeth byth.

Digon yw digon meddwn ni! Nid ein gwaith ni ydy tywallt arian i goffrau ffrindiau cefnog Peter Mandleson. Cadwch eich dwylo brwnt oddiar arian ein ysbytai a'n hysgolion. "

Ychwanegodd,

" Daw'r toriadau yma er i gomisiwn annibynnol Holtham ddweud na ddylid cyffwrdd ag ariannu Cymru hyd nes y byddwn yn cael yr cyllid sydd angen arnom i gynnal gwasanaethau cyhoeddus hanfodol. Ond mae Cymru yn cael llai o Lundain oherwydd yr holl aran sydd wedi mynd i bocedi bancwyr Dinas Llundain.

Ac yn bryderus iawn dywed y Toriaid y byddant yn torri arian Cymru yn union yr un modd a Llafur Llundain."


Mae Myfanwy ac arweinydd grwp cynghorwyr y Blaid yn galw ar Lafur Llundain i wrando ar yr holl gyngor annibynnol a rhwystro'r toriadau hyd nes bydd Cymru yn cael chwarae teg.


Dywed y Cynghorydd Peter Hughes Griffiths, Arweinydd Grwp Plaid Group ar y Cyngor Sir:

"Fel cynghorwyr rydym yn cefnogi Myfanwy pob cam o'r fordd. Mae hi'n gwbl annheg fod Llafur San Steffan yn torri cymaint ar arian Cymru.Cofiwch hyn pan fydd etholiad cyffredinnol ar y gweill!"

Ychwanegodd AC Llanelli Helen Mary Jones:

"Llwyddodd Llywodraeth Cymru i liniaru rhywfaint ar y toriadau ciaidd eleni trwy ddefnyddio arian wrth gefn. Ond ni allwn wneud hyn pob blwyddyn. Rhaid i bleidiau Llundain ymrwymo i weithredu yn syth i sicrhau fod cymunedau Cymru yn derbyn yr arian maent ei angen, yr arian mae ganddynt hawl iddo. Yn y cyfamser galwn am atal unrhyw doriadau sydd yn yr arfaethi gyllid Cymru i ganiatau i lywodraeth Cymru fuddsoddi yn ein cymunedau er lles pobl Cymru gyfan."


DIWEDD / ENDS

Nodiadau i olygyddion

Dywed Comisiwn Annibynnol Holtham fod tan-gyllido cynyddol dros y ddegawd nesaf am arwain at golli £8.5bn o gyllid Cymru.

Golyga hyn golli £2,900 y pen.

Felly, gyda phoblogaeth o 78,300 yn Llanelli, gallai hyn olygu colli £227m o ran yr etholaeth - os na fydd gweithredu i newid Fformiwla Barnett sydd bellach wrth gwrs wedi colli ei henw da yn gyfangwbl

Helen Mary a Myfanwy yn mwynhau’r Bore Coffi Mwyaf yn y Byd gyda Macmillan

Dydd Gwener diwethaf (25/09) fe wnaeth Helen Mary Jones ein AC lleol a Myfanwy Davies ddangos eu cefnogaeth i Gancr Macmillan drwy ymweld â’u bore coffi yn Ysgol Lakefield Llanelli. Gwnaeth y ddwy ymuno gyda disgyblion, rhieni ac athrawon fel rhan o’r Bore Coffi Mwyaf yn y Byd gan Macmillan.

Y Bore Coffi Mwya’n y Byd yw un o’r ffyrdd mwyaf adnabyddus gan Gancr Macmillan i godi arian yn flynyddol. Er ei fod yn weithred syml mae ganddo’r cymhelliad mwyaf apelgar sef rhannu paned o goffi a chodi arian yr un adeg tuag at ymchwil cancr. Mae’r cyllid yma yn cynnig cefnogaeth ymarferol, feddygol, emosiynol ac ariannol tuag at well gofal cancr.

Y llynedd cafwyd miloedd o foreau coffi ar draws Cymru, yn codi bron i £290,000. Roedd yr arian yma’n help i Macmillan i barhau i gefnogi gwasanaethau a phobl broffesiynol i weithio gyda phobl a affeithiwyd gan gancr ar draws Gymru gyfan.

Dywedodd Helen Mary Jones, o’r Blaid:

"Mae 2 filiwn o bobl yn y DU heddiw wedi’u heffeithio gan gancr. Gwn fod nifer o’m hetholwyr a phrofiad personol o’r problemau sy’n effeithio’r claf a’r teulu ar ôl diagnosis o gancr. Mae Cefnogaeth Cancr Macmillan yno i bobl , yn cynnig help a chefnogaeth, o’r funud iddynt dderbyn diagnosis . Mae cynnal bore coffi yn ffordd hawdd i sicrhau fod yr arian gan Macmillan i barhau gyda’u gwaith hanfodol a’r gobaith sy gen i yw fod llawer iawn o goffi wedi’u hyfed yn Llanelli heddiw !”

Ychwanegodd Myfanwy Davies ymgeisydd seneddol y Blaid yn Llanelli:

"Gwn o brofiad fy nheulu fy hun mor ddychrynllyd yw diagnosis o gancr a chymaint o wahaniaeth mae Nyrs Macmillan yn gallu gwneud i’r sefyllfa. Roeddwn wrth fy modd yn medru ymuno yn yr hwyl heddiw yn Ysgol Lakefield. Mae’n rhyfeddod fod mwynhau paned o goffi a sgwrsio gyda ffrindiau yn medru gwella cymaint i’r rheiny sy wedi’u heffeithio gan gancr.”
Dywedodd Rhian Kenny, athrawes a threfnydd Bore Coffi Mwya’r Byd yn Ysgol Lakefield:

“Rydym wrth ein bodd yn cefnogi achos mor werthfawr sy’n helpu cymaint o bobl yn Llanelli. Yn ychwanegol mae’n wych o beth ein bod yn gallu defnyddio cynnyrch masnach deg yn ein bore coffi ac ymuno’r gwaith da mae Macmillan a Masnach Deg yn gwneud. Rydym yn credu fod addysg tu allan i’r stafell ddosbarth, ond o fewn yr ysgol, yn fodd arbennig i godi ymwybyddiaeth plant o’r achosion gwych yma ac o’r gwaith arbennig a wneir o fewn y gymdeithas leol.”

Dywedodd Sue Reece sy’n rheolwr codi arian yn Ne Orllewin Cymru :

“Mae’r help rydym yn gynnig i bobl a chancr yn hollol hanfodol. Rydym am gefnogi pawb sydd angen help a dyna paham mae’n rhaid i ni ,eleni eto ,sicrhau ein bod yn codi hyd yn oed mwy o arian, drwy Fore Coffi Mwya’r Byd , nag erioed o’r blaen. Mae’n achlysur llawn hwyl ac yn hawdd iawn i fod yn rhan ohono, yn enwedig gan ei bod yn bosib trefnu’r achlysur i’ch anghenion eich hun. Mewn gwirionedd mae’n hawdd helpu Macmillan!”

Myfanwy yn ennill cefnogaeth genedlaethol i fusnesau canol y dre

Mae Dr Myfanwy Davies, Ymgeisydd Seneddol y Blaid,Llanelli wedi ennill cefnogaeth genedlaethol i gynllun i helpu busnesau yng nghanol dref Llanelli. Mewn cynnig yng Nghynhadledd Genedlaethol y Blaid y penwythnos diwethaf, a dderbyniwyd gan neuadd orlawn, galwodd am adolygiad o’r cynllun graddfa cymhorthdal i helpu busnesau bach a effeithiwyd gan ddatblygiadau tu allan i’r dref. Hefyd galwodd ar Lywodraeth y Cynulliad i ddatblygu menter cyllid cymunedol i gynnig credyd i fusnesau lleol ac am strategaeth genedlaethol i lanw siopau gwag, hyrwyddo cynnyrch lleol a darparu tai addas mewn canolfannau trefol.

Yn ei haraith yn y gynhadledd dywedodd Myfanwy:

“Mae methiant Cyngor Sir Caerfyrddin I atal datblygiad enfawr tu allan i’r dref ynghyd a cholled o gannoedd o swyddi cynhyrchu yn gwaedu canol ein tref yn sych ”.

Wrth siarad yn Llanelli ddydd Mercher ychwanegodd Myfanwy:

“Mae trethi busnes erbyn hyn yn faich ar ein marchnatwyr yng nghanol y dref . Rydw i’n hynod o falch ein bod wedi ennill cefnogaeth genedlaethol i edrych ar flaenoriaethu eu hanghenion. Hefyd fe enillon gefnogaeth i alw am strategaeth i lanw siopau gwag yng nghanol y dref ac fe fydd Aelodau Cynulliad y Blaid yn awr yn medru brwydro am gynlluniau cyllid cymunedol i ariannu busnesau newydd dichonadwy ac i gefnogi marchnatwyr sydd yno’n barod sydd angen credyd er mwyn iddynt dyfu . Rydw i’n ymwybodol o nifer o fusnesau sefydledig sy’n cael trafferth i dyfu gan i’r union fanciau sydd wedi’u hachub gan arian cyhoeddus,wrthod credyd iddynt” .

Ychwanegodd Helen Mary Jones AC Llanelli Plaid :

“Mae’r penderfyniad yma yn rhoi llwyfan clir i ni frwydro am fwy o gefnogaeth gan y Cynulliad i fusnesau bychain yn Llanelli ac i edrych ar sut yn union y gallwn helpu busnesau da lleol i symud ymlaen a thyfu ”.

Myfanwy a Helen Mary yn ymladd gwarth y Sir ynglŷn â ffermydd cŵn bach

Mae ffermydd cŵn bach yn Sir Gaerfyrddin yn cadw cwn mewn cyflwr brwnt a chreulon meddai Dr Myfanwy Davies, ymgeisydd Sansteffan dros y Blaid. Yn dilyn ffilm ddiweddar ar Sianel 5 yn dangos amgylchiadau annerbyniol ar ffermydd cwn a dderbyniodd ymweliad ac yna drwydded gan Gyngor Sir Gaerfyrddin mae Myfanwy wedi ymuno gyda Helen Mary Jones AC Plaid Llanelli, i dynhau ar reolaeth y Sir o ffermydd cŵn bach .

Mae Myfanwy wedi ysgrifennu at Helen Mary yn gofyn iddi godi’r mater gydag Elin Jones , Gweinidog Materion Gwledig Llywodraeth y Cynulliad. Eglurodd Myfanwy yn ei llythyr :

“Rydw i’n poeni nad yw arferion archwilio'r Cyngor Sir yn ddigonol ac mae angen archwiliad ,yn enwedig wrth gofio hanes Sir Gaerfyrddin fel canolfan drwyddedig ( a hefyd rhai heb drwydded) i ffermydd cŵn bach. Mewn ymateb i’r rhaglen mae’r Cyngor wedi awgrymu y byddent yn fodlon adolygu‘r amgylchiadau trwyddedu pe bai Gwenidogion Llywodraeth y Cynulliad yn codi’r mater gda hwynt”.

Yn siarad yr wythnos yma , ychwanegodd Myfanwy

“ Rydw i’n falch iawn i glywed fod archfarchnad anifeiliaid anwes a fu’n prynu cŵn bach o’r ffermydd hyn wedi cytuno stopio eu defnyddio fel ffynhonnell mwyach. Rydw I’n siomedig yn ymateb y cyngor. Mae yn arswydus fod arolygwyr y Sir wedi ymweld â’r ffermydd hyn ac wedi caniatáu’r ffermydd a welwyd yn y ffilm. Rydw i’n gobeithio y bydd yr ymateb y bydd Helen Mary yn derbyn gan Elin Jones yn help i egluro’r safonau er lles anifeiliaid y dylai’r cyngor bod yn eu gweithredu esioes”.

Ychwanegodd Helen Mary Jones :

“Ers i mi drafod gyda Myfanwy rwy’ wedi gweld recordiad o’r eitem ar newyddion Sianel 5. Mae’r eitem yn codi nifer o faterion pryderus ynglŷn â safonau lles anifeiliaid yn y Sir . Rydw i’n falch fod Myfanwy wedi codi hyn gyda mi ac fe fyddai’n trafod y mater gydag Elin Jones o fewn yr wythnosau nesaf i sicrhau fod y safonau a ddilynir yn glir ac os oes angen newid, i sicrhau gofal i gwn a chŵn bach, yn wahanol i’r lefelau o esgeulustod a welwyd ar y ffilm .”

Bydd Dafydd Iwan, Helen Mary a Myfanwy yn cau dathliadau 25 mlynedd Breakthro’ 25th gyda chyngerdd arbennig i godi arian y Sadwrn yma

Bydd Llywydd Plaid Cymru y canwr poblogaidd Dafydd Iwan yn ymuno gyda Dr Myfanwy Davies, ymgeisydd seneddol Plaid ,Llanelli a Helen Mary Jones AC ynghyd a rhieni, gwirfoddolwyr a phobl ifanc gydag anableddau i ddathlu pen-blwydd Breakthro yn 25 oed gyda chyngerdd arbennig yng Nghlwb Stebonheath y Sadwrn yma (Awst 15ed). Mae Dafydd Iwan yn ymgyrchydd dros anableddau ers nifer o flynyddoedd ac yn un o sylfaenwyr Antur Waunfawr sef menter gymunedol lwyddiannus tu allan i Gaernarfon a drefnir yn rhannol gan bobl gydag anableddau.

Dechreuodd y dathliadau ar 25ain o Orffennaf pan ymwelodd Dafydd Iwan canolfan Coleshill i dorri cacen pen-blwydd enfawr 40 modfedd. Fe wnaeth e a Myfanwy weini’r gacen i wirfoddolwyr ac aelodau Breakthro’ gyda Dafydd Iwan yn cloi’r gweithgaredd wrth ganu caneuon a greuwyd yn arbennig ar gyfer yr aelodau . Y penwythnos diwethaf aeth grŵp o wirfoddolwyr Breakthro dan arweiniad Jessica Sheehan gwblhau dringfa noddedig i gopa’r Wyddfa i ddathlu pen-blwydd y grŵp. Cyn cychwyn ar eu taith cawsant frecwast yng nghwmni Myfanwy a Hywel Williams AS, sy’n cynrychioli Arfon sef yr etholaeth sy’n cynnwys yr Wyddfa.

Mae tocynnau i’r cyngerdd nos Sadwrn yma yn gwerthu’n gyflym gyda rhai wedi’u gwerthu i bobl o Gastell-nedd .Gwnaeth un dyn deithio ar fws o Abertawe i Borth Tywyn i sicrhau ei docyn ymlaen llaw . Ni fydd .Dafydd Iwan yn codi tal am y noson a gobeithir codi dros £1,000 at weithgareddau’r fenter .

Dywedodd Dafydd Iwan :
“Rydw i’n gefnogol dros ben o waith Breakthro’.Mae’n bwysig iawn i bobl ifanc gydag anableddau i gwrdd a chymdeithasu gyda’i gilydd yn ogystal â dysgu sgiliau newydd mewn ysgolion a cholegau . Mae’r bobl ifanc yma wedi meithrin cyfeillgarwch gre ymhlith ei gilydd ac erbyn hyn yn dibynnu ar ei gilydd ac yn cefnogi ei gilydd. Mae meithrin a datblygu ymddiriedaeth debyg yn gallu cymryd blynyddoedd ond mae’n hanfodol os yw pobl gydag ystod eang o anableddau am gael bywyd llawn gymdeithasol . Roeddwn wrth fy modd pan ofynnodd Myfanwy imi fod yn rhan o’r fenter ac rydw i’n edrych ymlaen yn fawr iawn at y Sadwrn yma.

Dywedodd Myfanwy :
‘Rydym yn hynod o ddiolchgar i Dafydd am ddod lawr yma eto i gefnogi Breakthro’. Roedd y cyngerdd anffurfiol gyda’r bobl ifanc mis diwethaf yn rhyfeddod gan i rai o’r bobl ifanc sydd fel arfer yn dawel iawn ganu a dawnsio gyda’r gerddoriaeth . Mae cyngerdd y Sadwrn yma yn addo bod hyd yn oed yn well ac mae’r tocynnau yn gwerthu’n gyflym . Rydw i’n falch hefyd bod Helen Mary yn medru bod yno hefyd . Mae Helen ,fel finnau, yn falch iawn o Breakthro’ yn Llanelli nid yn unig am y gwaith mae’n wneud ond am y gefnogaeth ddiflino gan bobl a grwpiau ar draws Llanelli”.

Dywedodd Christine Darkin, trefnydd Breakthro’am dros 10 mlynedd:

‘Rhai misoedd yn ôl roeddem yn wynebu toriadau enfawr yn ein cyllid ac roeddem yn ystyried sut i barhau gyda’r clwb i’r aelodau hynny sydd erbyn hyn yn oedolion ac wedi tyfu i fyny gyda’r clwb . Nawr diolch i ‘r gwasanaethau cymdeithasol rydym yn edrych ymlaen yn hyderus at ein 26ain blwyddyn ac mae’r gefnogaeth gan bobl Llanelli yn aruthrol . Rydw i’n wirioneddol yn edrych ymlaen at gyngerdd Dafydd !”

Myfanwy a Mari Davies yn cefnogi trigolion Pwll sy’n ymladd am atebion i’r llifogydd

Yn dilyn y trallod ar ôl y llifogydd yn y Pwll y mis yma , mae Dr Myfanwy Davies ymgeisydd Sansteffan Plaid Cymru dros Lanelli a’i mam ,Cynghorydd Hengoed Cyng. Mari Davies wedi ymweld â phentrefwyr yn Y Gerddi/Nurseries a Theras Bassett yn y Pwll.

Consyrn y trigolion yw reolaeth yr afon Dulais, gan fod gwely’r afon wedi codi cymaint oherwydd methiant i symud y llaid a’r cerrig oddi yno . Hefyd mae pryder ynglŷn ag ansawdd y llaid a’r clawdd tywod wrth gefn y Gerddi/Nurseries gan i hwn gael ei rhwygo'r mis yma gan y llifogydd enfawr Pryderon eraill a godwyd gan drigolion Teras Bassett yw dargyfeirio’r Afon Dulais sydd nawr yn llifo yn union du cefn i’w tai ..
Dywedodd Trudi Williams sy’n llefarydd i’r grŵp -

“Pan symudais yma ces ar wybod fod llifogydd gwael yn digwydd unwaith mewn 70 o flynyddoedd ond rydym wedi profi llifogydd tair gwaith yn y ddeng mlynedd diwethaf .Yn ystod yr holl amser hynny nid yw’r llaid a’r cerrig wedi’u symud a’r unig adeg y daw pobl o Adran yr Amgylchedd yma yw ar adeg llif. Maen nhw yn cydnabod eu cyfrifoldeb am reoli’r afon , felly gadewch i ni weld peth reolaeth . Rydym am i’r afon gael ei chlirio i greu lle i lif yr afon , oherwydd mae’r bwâu o dan y bont bron o dan ddŵr ar ddiwrnod sych . Pan fydd glaw trwm mae wedi cyrraedd y man lle bydd yna or-lif. Rydw i’n byw mewn ofn pob tro y bydd tywydd garw oherwydd mae’n amhosib dweud pa mor ddrwg y bydd pethau.”

Dywedodd Myfanwy Davies :

“Mae’n amlwg fod rhaid i’r Asiantaeth symud y baw a’r cerrig o’r afon Dulais . Rydw i’n arswydo eu bod wedi gadael gwely afon i lanw mor beryglus pan wyddom fod yr ardal yn dioddef llifogydd .Fe fyddai’n mynnu gweithredu cyflym i glirio’r gweddillion cyn y glaw trwm nesaf ”.
“Mae’n siomedig dros ben fod yr Asiantaeth yn ceisio osgoi cyfrifoldeb am yr amddiffynfeydd llifogydd tu cefn i’r Gerddi/Nurseries. Fe fyddai’n cydweithio gyda Helen Mary Jones i geisio sefydlu pwy yn union sy’n berchen ar glawdd yr afon er mwyn sicrhau bod yna ddigon o adnoddau ar gael i adeiladu amddiffynfa llifogydd priodol ”.

“Cefais weld lluniau o ddargyfeirio’r Afon Dulais ,tu ôl I Deras Basset ,ar ôl glawogydd trwm , mae’n amlwg fod y troad 90 gradd yn arafu llif y dŵr ac yn llawer mwy tebygol o achosi llifogydd. Deallaf fod cynrychiolwyr o’r Asiantaeth yr Amgylchedd wedi cytuno i atgyfnerthu’r wal tu cefn i’r Gerddi ond dyw’r trigolion perthnasol ddim yn gwybod pa oblygiadau y bydd y gwaith adeiladu yn creu ymhellach i fyny’r afon .Rydw i wedi ysgrifennu at Jane Davidson AC, Gweinidog yr Amgylchedd gan ofyn iddi am ymchwiliad i mewn i’r perygl arfaethedig o lifogydd mewn mannau lle mae’r afon wedi’i dargyfeirio gan yr Asiantaeth . Mae’n amlwg bod yna oblygiadau mewn ardaloedd eraill o ddargyfeirio afonydd. Rydw i am ofyn i’r Gweinidog i sicrhau bod yr Asiantaeth yn gweithredu dyletswydd statudol sylfaenol o reoli’r afon tu cefn i’r Gerddi .Hefyd rydw i wedi gofyn i Helen Mary Jones alw cyfarfod gyda Ms Davidson a’r trigolion lleol mor fuan ag sydd yn bosib”.
Dywedodd y Cyng. Mari Davies :
“Nid yw’n dderbyniol fod Asiantaeth yr Amgylchedd yn ceisio osgoi eu dyletswydd sylfaenol o reoli’r afon i’r gogledd o Heol Pwll . Os taw cyfrifoldeb trigolion Y Gerddi yw clawdd yr afon , ac mae hynny’n ddadleuol, pam nad oeddent wedi’u hysbysu o hynny a’u cynghori ar yr hyn i wneud i amddiffyn eu cartrefi? Rydym angen gwybod os oedd asesiad risg wedi’i wneud o’r Afon Dulais cyn y dargyfeirio i’r De o Heol Pwll . Mae Myfanwy yn hollol iawn i godi’r cwestiynau yma gyda Helen Mary a’r Gweinidog .”
Diwedd / Ends